ചാവശേരിയിലെ വീടിന് സമീപത്ത് നിന്നും പുസ്തകങ്ങളടങ്ങിയ ബാഗുമായി സ്കൂള്ബസില് കയറിയാതായിരുന്നു കുട്ടി. ബാഗില് നിന്ന് പാമ്പ് പുറത്തേക്ക് വരുന്നത് മറ്റ് കുട്ടികളാണ് കണ്ടത്. പാമ്പ് ബസില് ഇഴയുമെന്നായപ്പോള് കുട്ടികള് പേടിച്ച് നിലവിളിക്കുകയായിരുന്നു. ബസിലുണ്ടായിരുന്ന അധ്യാപകരും പേടിച്ചു.
ഇതിനിടയില് ബസ് നിര്ത്തി ഒരധ്യാപകന് ബാഗ് പുറത്തേക്ക് വലിച്ചെറിയുകയായിരുന്നു. ഏറെ കഴിഞ്ഞ് ബാഗില് നിന്ന് പാമ്പ് പുറത്തിറങ്ങിയ ശേഷമാണ് ബാഗ് തിരിച്ചെടുത്തത്. തലേദിവസം പഠനം കഴിഞ്ഞ് വീട്ടുവരാന്തയിലെ മേശമേല് വച്ച ബാഗില് പാമ്പ് കയറിക്കൂടിയതാകാമെന്ന് അധ്യാപകര് പറയുന്നു.
